Республикамизнинг турли ҳудудларида Жисмоний тарбия ва спортни ривожлантириш жамғармаси маблағлари ҳисобидан бунёд этилган янги спорт иншоотлари фойдаланишга топширилгани ҳақида хабар берган эдик.
Шу каби замонавий спорт иншоотлари Булунғур туманида ҳам фойдаланишга топширилди. Тумандаги болалар-ўсмирлар спорт мактабига янги 18х42 ҳажмда универсал спорт зали қурилди ҳамда “Мингчинор” ўйингоҳи капитал реконструкция қилинди.
Спорт иншоотининг тантанали очилиш маросимида Ўзбекистон Республикаси Жисмоний тарбия ва спорт вазири ўринбосари Ш.Мўминжонов, Ўзбекистон Республикаси Жисмоний тарбия ва спортни ривожлантириш жамғармаси ижрочи директори И.Мирзаев, Самарқанд вилояти ҳокимининг ўринбосари Р.Қобилов, Самарқанд вилояти жисмоний тарбия ва спорт бошқармаси бошлиғи Ш.Рўзиевлар иштирок этди.
Фойдаланишга топширилган ушбу спорт иншоотлари келажакда ёшларни спортга бўлган қизиқишларини орттириб, уларни нуфузли халқаро спорт мусобақаларида иштирок этишларида пойдевор бўлиши ҳамда тумани аҳолисини соғломлаштиришга хизмат қилиши таъкидланди.
Спорт иншоотини қуриш ва капитал таъмирлаш ишлари “Темир қалқон” МЧЖ томонидан амалга оширилди ҳамда муассаса Жисмоний тарбия ва спортни ривожлантириш жамғармаси томонидан зарур спорт инвентарлари билан жиҳозланди.
Айни пайтда, спорт мактабида 23 нафар мураббийлар қўл остида 1000 нафарга яқин ёшлар 13 та спорт тури спорт билан мунтазам шуғулланмоқда.
