Наманганнинг “Навбаҳор” ёшлар жамоаси янги мавсумга тайёргарликни бошлади.
Машғулотлар Наманган шаҳридаги “Навбаҳор - Умид” академияга ихтисослаштирилган футбол мактаби майдонида ўтказилмоқда.
Унда ёшлар жамоамизнинг ўтган йилги айрим аъзолари билан биргаликда бир қатор ёш футболчилар ҳам иштирок этиб, кўрикдан ўтишмоқда.
Кўрикдан муваффақиятли ўтганлар янги мавсумда ёшлар жамоамиз шарафини ҳимоя қилиш имкониятига эга бўлишади.
Машғулотларни мураббийлар – Раҳим Ғофуров, Равил Галеев ва Анвар Ҳафизов олиб боришмоқда.
