Англия кубогининг 1/32 финал босқичи доирасида «Ливерпуль» клуби сафарда «Вульверхэмптон» жамоаси меҳмони бўлди ва мағлубиятга учраб Англия кубогини тарк этди.

Учрашувнинг 38-дақиқасида Рауль Хименес Диогу Жотанинг аниқ тўп узатишидан сўнг ҳисобни очди. Биринчи бўлим майдон эгаларининг устунлиги билан якунланди. Иккинчи бўлим бошида Дивок Ориги «Ливерпуль»нинг жавоб тўпини киритди ва 1:1 ҳисобини таъминлади. Бироқ орадан бир неча дақиқа ўтиб Рубен Невеш ғалаба тўпини киритиб «Вульверхэмптон» клубининг Англия кубогининг 1/16 босқичига олиб чиқди.

Англия кубоги 1/32 финал

"Вульверхэмптон" - "Ливерпуль" 2:1 (1:0, 1:1)

Голлар: 1:0 – 38 Хименес, 1:1 – 51 Ориги, 2:1 – 55 Рубен Невеш.

"Вульверхэмптон" - Радди, Кастро (Доэрти, 75), Беннетт, Коуди, Рубен Винагре, Диогу Жота (Кавалейру, 52), Дендонкер, Моутинью, Рубен Невеш, Боли, Хименес (Элдер Кошта, 83).

"Ливерпуль" - Миньоле, Рафаэл Камашу, Ловрен (Хувер, 6), Морено, Милнер, Фабиньо, Джонс (Фирмино, 70), Кейта, Шакири, Старридж (Салах, 70), Ориги.

Огоҳлантиришлар: Милнер (15).