Ўзбекистон миллий терма жамоаси бош мураббийи Эктор Купер Уммонга қарши кечган ва 2:1 ҳисобида якунига етган ғалабадан сўнг матбуот анжуманида иштирок этди.
-Биз бу ўйинни жуда кутган эдик ва унда икки хил бўлим ўтказдик. Биринчи бўлимда яхшироқ ўйнадик, аммо иккинчи бўлимни рақиб кучлироқ бошлади. Улар тўпни назорат қилди. Ўтказилган жавоб голидан сўнг эса яна ҳисобда олдинга чиқа олдик.
-Ўйинни хавотир билан томоша қилдик. Иккинчи бўлимда омад ва футболчиларнинг индивидуал жиҳати эвазига ғалаба қозонишга муваффақ бўлдик. Иккинчи бўлимни чуқур ҳимояда бошлаш мураббийнинг режасимиди?
-Йўқ, бу менинг режам эмас эди. Биз тўпни кўпроқ назорат қилиб, кўпроқ зарба йўллашимиз керак эди. Аммо Уммон жуда яхши ўйин намойиш қилди ва ҳимояни ушлашга мажбур бўлдик. Менинг мақсадим бошқа - тўпни назорат қилиш эди. Аммо ҳаммаси рақибнинг ўйинига боғлиқ бўлиб қолди.
-Мусобақа энди бошланди, аммо футболчиларда чарчоқ аломатлари бордек. Бунга қандай қарайсиз?
-Йўқ, футболчиларда чарчоқ аломатлари йўқ. Шунчаки баъзи муаммолар кўзга ташланди. Бу чарчоқ эмас, балки асабийлик. Футболчилар асабларини жиловлай олишда муаммоларга дуч келди.
-Позицион ҳужум жуда кам бўлди. Биринчи гол жаримадан, иккинчиси эса индивидуал маҳорат эвазига урилди. Сўрамоқчи бўлганим, Бикмаев ва Сидиқовнинг ўйини борасида нима дея оласиз?
-Мен индивидуал ўйин бўлди, деб айта олмайман. Бутун жамоа кураш олиб борди. Биз шунчаки бутун зоналарни ёпа олмадик. Шунинг ортидан муаммолар юзага келди.
