«Барселона» ярим ҳимоячиси Денис Суарес «Арсенал»га ўтишга яқин турибди. Goal.com тарқатган хабарга кўра, лондонликлар 25 ёшли футболчини мавсум охирига қадар ижарага олишади.
Каталонияликлар «Арсенал» футболчини кейинчалик сотиб олиш мажбурияти билан ижарага олишини исташмоқда. Боиси, Суареснинг «Барселона» билан шартномаси 2020 йилнинг ёзида якунига етади.
Фактлар
— Суарес аввалроқ «Севилья»да Унаи Эмери қўлостида ўйнаган.
— Футболчи ушбу мавсумда Ла лига доирасида бор-йўғи 2та ўйинда майдонга тушди.