Ўзбекистон терма жамоаси бош мураббийи Эктор Купер Уммонга қарши ўйинда қизил карточка олган Егор Кримец ўрнига қайси футболчи майдонга тушишини айтиб ўтди.

“Афсуски, Кримец қизил карточка туфайли бизга ёрдам бера олмайди. Лекин бундан ташвишга тушмаймиз, негаки унинг ўрнини тўлдира оладиган икки нафар ўйинчимиз бор.

Қайси бири машғулотларда ўзини кўрсатаётган бўлса, ўшани майдонга туширамиз. Туркманистоннинг ҳимоясида муаммолар бор.

Табиийки, биз уларнинг ушбу заиф нуқтасидан фойдаланишга ҳаракат қиламиз. Умид қиламанки, уларнинг дарвозасига йўл топа оламиз”, дейди Купер.

Эслатиб ўтамиз, Учрашув маҳаллий БАА вақти билан соат 20:00да (Тошкент вақти билан соат 21:00да) Дубай шаҳридаги “Rashid Stadium” ўйингоҳида бошланади. Учрашувда Ўзбекистон оқ, Туркманистон яшил рангли либосда ҳаракат қилади.

Мазкур баҳсни БАА вакили Аммар Ал Жунайби бошчилигидаги ҳакамлар бошқаради.