«Тоттенхэм» ҳужумчиси Харри Кейн кеча чуқурлаштирилган тиббий кўрикдан ўтди. Англиялик футболчининг чап оёғи тўпиқ қисмидаги бўғими жароҳатлангани аниқ бўлди.

Кейн ушбу жароҳатни АПЛнинг 22-тури доирасида бўлиб ўтган «Манчестер Юнайтед»га қарши ўйинда олганди. У март ойига қадар машғулотларда иштирок эта олмайди. Бу ҳақда "шпорлар" расмий Твиттери хабар тарқатди.

Фактлар:
— «Тоттенхэм»нинг ЕЧЛ 1/8 финал босқичи доирасида «Боруссия»га қраши ўйинлари 13 февраль ва 5 март кунлари бўлиб ўтади.
— Кейн ушбу мавсумда лондонликлар сафида 31та ўйинда майдонга тушиб, 20та гол урди ва 7та голга узатма берди.