Лондоннинг “Челси” клуби ярим ҳимоячиси Эден Азар лондонликларнинг янги шартнома борасидаги таклифларини рад этди. Бу ҳақда Sky Sports нашри хабар бермоқда
Манбанинг хабарига кўра, англияликлар футболчини қўйиб юбормоқчи эмас ва у билан узоқ йиллик шартнома имзоламоқчи.
Аввалроқ, футболчига “Реал” қизиқаётгани ва клуб Азар учун 112 миллион евро тўлаши ҳақида хабарлар тарқалган эди. Футболчининг “Челси” билан амалдаги шартномаси 2020 йилгача мўлжалланган.
Эслатиб ўтамиз, жорий мавсум футболчи 21 та ўйинда 10 та гол урган ва 10 та голга ассистентлик қилган.
