Янги мавсум олдидан яхшигина таркиб шакллантиришга уринаётган Термизнинг “Сурхон” клуби сафида бир қатор янги футболчилар кўрикда бўлиб туришибди.
Бир неча йиллардан бери Тошкентнинг "Пахтакор" жамоасида тўп суриб келган иқтидорли футболчи Достон Ибрагимов "Сурхон" жамоаси сафига келиб қўшилди.
Шунингдек, ўтган мавсумни Наманганнинг “Навбаҳор” жамоасида ўтказган тажрибали чап қанот ҳимоячиси Илхом Бойдедаев ҳам “Сурхон” жамоасининг умумий машғулотларига қўшилди. Илхом кичик жароҳати сабабли икки кун давомида индивидуал тарзда машғулотларни олиб борган эди. Кечадан ушбу футболчи ҳам умумий машғулотларга қўшилди.
Клуб матбуот хизматининг маълумот беришича, ўтган мавсумда "Навбаҳор" жамоасида ўзининг ажойиб ўйинлари билан муҳлислар қалбидан жой олган сербиялик тажрибали химоячи Дарко Станоевич ҳамда АГМК жамоасида тўп сурган химоячи Владимир Бубанья тез кунларда “Сурхон” машғулотларига келиб қўшилиши кутилмоқда. Ҳозирда ушбу футболчи билан музокаралар олиб борилмоқда.
