Ўзбекистон футбол ассоциацияси ҳузуридаги ҳудудий болалар-ўсмирлар футбол академиялари тарбияланувчиларининг жисмоний ва махсус тайёргарлигини ўрганиш бўйича навбатдаги жорий назорат имтиҳонлар давом этмоқда.
Имтиҳонлар 2019 йилнинг январь-февраль ойлари давомида Республикамиздаги барча ҳудудий болалар-ўсмирлар футбол академияларида ўтказилиши ҳақида аввал хабар бериб ўтган эдик.
Ўзбекистон футбол ассоциациясининг йиллик жорий назорат имтиҳонлар тақвимига асосан, академия тарбияланувчиларининг жисмоний ва махсус тайёргарлиги назоратдан ўтказилмоқда.
Хусусан, Қорақалпоғистон Республикаси, Фарғона, Бухоро, Самарқанд, Қашқадарё вилоят болалар-ўсмирлар футбол академияларида жорий назорат имтиҳонлар ўз якунига етди.
Бугунги кунда Хоразм, Сурхондарё, Навоий вилоят болалар-ўсмирлар футбол академияларида жорий назорат имтиҳонлар ўтказилмоқда.
