Осиё Кубоги нимчорак финалидан ўрин олган Австралия - Ўзбекистон ўйинолди матбуот анжуманида Ўзбекистон терма жамоаси бош мураббийи Эктор Купер Австралияга қарши ўйин олдидан ўз фикрларини билдириб ўтди.
“Барча жамоаларнинг ўз ўйин услуби бор. Биз ҳам ўз ўйин услубимизга эга бўлишга ҳаракат қиляпмиз. Ўйин фалсафаси деган сўзни ишлатишни истамаган бўлардик.
Бу умумий тушунча. Албатта, биз Австралияга қарши ўйин олдидан баъзи ўзгаришларни амалга оширишимиз мумкин.
Биринчи навбатда, эҳтиёткорликка аҳамият қаратамиз. Шу билан бирга ўз услубимизни намойиш қилишга ҳам интиламиз. Бутунлай ўз услубимиздан воз кечиш ниятимиз йўқ. Бу нотўғри бўларди.
