Австралия - Ўзбекистон учрашувидан кейинги матбуот анжумани бўлиб ўтди. Унда терма жамоамиз бош мураббийи Эктор Купер иштирок этди.

“Элдор жуда чарчаб қолганди. У кўп меҳнат қилди. Шу сабабли уни Марат Бикмаевга ўзгартиришга қарор қилдик. Терма жамоадаги барча футболчилар асосий таркибда майдонга тушишга лойиқ.

Марат Бикмаев терма жамоанинг энг муҳим футболчиларидан бири. Сардор Рашидовга келадиган бўлсак, у мазкур мусобақага келиш учун кўп меҳнат қилди. Осиё Кубогига олиб келинган барча футболчилар бу ерга келишга лойиқ эди.

Эндиликда кейинги муҳим мусобақаларга янада жиддий тайёргарлик кўрамиз. Олдимизда Жаҳон чемпионати саралаши кутиб турибди. Биз ҳозир оптимистик руҳдамиз. Австралия каби Осиё грандлари билан тенгма-тенг ўнай олишимизни кўрсатдик. Энди хатоларни таҳлил қилиб, ўйинимизни янада кучайтириш учун иш олиб борамиз.”, -дейди Купер.