Осиё Кубоги биз учун якунига етди. Австралияга қарши кечган қийин баҳсда 120 дақиқа дарвозамиз дахлсизлигини сақлаб қолди. Аммо пенальтилар сериясида омад биздан юз ўгирди. Ҳаёт давом этади. Биз Осиё Кубогида муносиб иштирок этдик. Кетма кет иккита чемпион - Япония ва Австралияга қарши тўп сурдик. Бу ўйинларда Осиё грандларидан асло кам эмаслигимизни намойиш қила олдик.
Муҳими Эктор Купер меҳнатларининг самараси кўринмоқда. Терма жамоамизнинг келажаги бор. Агар мана шу руҳда ўйнашда, тайёргарлик кўришда давом этсак, Жаҳон чемпионати саралашида албатта ўз мақсадимизга етамиз. Халқимизнинг азалий орзуси бўлган мундиал йўлланмасини қўлга киритамиз. Купер ва футболчилар Осиё Кубоги давомида бизни шунга ишонтира олишди. Бунинг учун уларга раҳмат айтиб қоламиз. Ҳа, биз Осиё Кубогида финалга қадар етиб бормоқчи эдик.
Юртимизга Осиё Кубоги билан бирга қайтмоқчи эдик. Биз ҳаракат қилдик. Биз курашдик. Майдонда боримизни бердик. Мухлислар ҳам буни кўришди. Терма жамоамизни Австралияга қарши ўйиндан кейин олқишлар билан қўллаб-қувватлашди. Бугун Ўзбекистонга қайтиб келдик. Самолётда, аэропортда бизни учратганлар фақат ва фақат илиқ фикрларни билдиришди. Яхши гаплар билан футболчиларнинг кўнглини кўтаришга ҳаракат қилишди.
Бунақаси ҳали бўлмаган. Терма жамоа нимчорак финалдан ортга қайтди. Кетма кет иккита ўйинда имкониятни бой берди.
Лекин ҳамма рози терма жамоамиздан. Тўғри, хато ва камчиликлар бор. Бу мусобақа ожиз нуқталаримизни ҳам кўрсатиб берди. Энди ана шу камчиликларни бартараф этишга ҳаракат қиламиз. Тошкентга қўнганимиздан кейин Эктор Купер ва унинг ёрдамчилари юкларини олишгандан кейин барча футболчилар, шифокор, массажчи, матбуот хизмати ходимлари, администраторлар - барча-барча билан бирма-бир хайрлашишди. "Энди фақат Жаҳон чемпионати ҳақида ўйланглар", - деб айтишди футболчиларга.
Олдинда бизни Жаҳон чемпионати саралаши кутмоқда. Осиё Кубоги давомида бизни қўллаб-қувватлаб турган барча барчага - ЎФА раҳбариятидан тортиб оддий мухлисларгача миннатдорчилик билдириб ўтамиз. Биз Сизларнинг далдангизни ҳис қилиб турдик. Бунинг учун Сизга катта раҳмат. Бир оила бўлиб бир мақсад йўлида бирлашдик. Ҳали ўз мақсадимизга етганимиз йўқ. Ҳали катта ғалабалар олдинда. Биз ҳали ўз сўзимизни айтамиз!
"Бавария"га қарши баҳсда "Реал" дарвозасини ким қўриқлаши маълум бўлди [7054]
Роналду Сомани қувишда давом этади [5146]
UFC Маҳмуд Муродов билан шартномани бекор қилди [4929]
U23 Осиё кубоги. Бугун Ўзбекистон чемпионлик учун Япония билан курашади [4854]
U23 Осиё кубоги. Қатарга чартер рейс ташкил этилди [3881]
“Реал” 16 ёшли футболчи курашда етакчилик қилмоқда [2795]
Каземиро: "Дон Карлонинг хонасига кирсам, у йиғлаб ўтирган экан..." [2727]
"Манчестер Юнайтед" ҳужум чизиғини "Барселона" футболчиси билан кучайтирмоқчи [2602]
"МЮ"да "нон топа олмаганлар" уйга қайтиш йўлида меҳнат қилмоқда [2259]
