Ўзбекистон ОТЖга бош мураббий этиб тайинланган Любинко Друлович илк матбуот анжуманида қатнашмоқда.
Дастлаб, Любинко Друлович барча билан саломлашиб бўлгандан сўнг, Олимпия терма жамоасининг мураббийлар штаби ҳақида сўз очди.
“Менга икки нафар сербиялик мутахассис ва ўзбекистонлик Равшан Ҳайдаров ёрдам беришади. Сербиялик ёрдамчиларим рус тилини яхши билишади. Бу эса футболчилар билан мулоқот қилишда қулайлик юзага келтиради. Равшан Ҳайдаров билан эса аввалги сафар Ўзбекистонга келганимда учрашганман. У кучли мутахассис ва маҳаллий футболчиларни яхши билади. Ўйлайманки, биргаликда ўз мақсадимизга етамиз.”, - дейди Любинко.
