Янги мавсумга тайёргарлик доирасидаги учинчи йиғинида “Динамо” жамоаси Қибрайда Суперлига вакили “Металлург” клубига қарши назорат учрашувини ўтказди.

“Динамо” клуби матбуот хизматининг маълумот беришича, учрашувда ҳар икки жамоа бош мураббийлари - Даврон Файзиев ҳам, Андрей Шипилов ҳам бир қатор футболчиларга ўйин амалиётини берди.

Тенгкурашлар остида ўтган учрашувнинг 34-дақиқасида бекободликларнинг янги футболчиси Сервер Жепаров томонидан жарима зарбасидан киритилган гол якунда “Металлург” клубига ғалаба келтирди.

25 январь (жума).

Назорат учрашуви.

«ДИНАМО» - «МЕТАЛЛУРГ» - 0:1

Қибрай стадиони.

Гол: Cервер Жепаров, 34.