Олмалиқнинг АГМК клуби 2019 йилги мавсумда ўз тарихида биринчи марта ОФК Чемпионлар Лигасида иштирок этади.

23 январь – 4 февраль оралиғида АГМК Дубайда ўқув-машғулот йиғини ўтказаётган АГМК кеча дастлабки ўртоқлик учрашувини ўтказди.

“Мактум бин Рашид” стадионида бўлиб ўтган баҳсда олмалиқликларга Дубай шаҳрининг "Шабаб Ал-Аҳли" жамоаси рақиб вазифасини ўтади. БАА чемпионатида 13 турдан сўнг 4-поғонада бораётган жамоага қарши назорат баҳсида Зафар Полвонов томонидан биринчи таймда урилган гол ягона бўлди.

АГМК Дубай йиғини доирасида 4 та синов-назорат ўйинида майдонга тушади. Сўнгра жамоа юртимизга қайтиб, ўз уйида ОЧЛ саралаш ўйинига ҳозирликни давом эттиради.

Таъкидлаб ўтиш жоизки, ОЧЛ-2019 саралаши иккинчи ўтиш босқичи доирасида АГМК 12 февраль куни Тожикистоннинг “Истиқлол” клубига қарши баҳс олиб боради. Ўйин Олмалиқда бўлиб ўтади.