Olmaliqning AGMK klubi 2019 yilgi mavsumda o‘z tarixida birinchi marta OFK Chempionlar Ligasida ishtirok etadi.
23 yanvar – 4 fevral oralig‘ida AGMK Dubayda o‘quv-mashg‘ulot yig‘ini o‘tkazayotgan AGMK kecha dastlabki o‘rtoqlik uchrashuvini o‘tkazdi.
“Maktum bin Rashid” stadionida bo‘lib o‘tgan bahsda olmaliqliklarga Dubay shahrining "Shabab Al-Ahli" jamoasi raqib vazifasini o‘tadi. BAA chempionatida 13 turdan so‘ng 4-pog‘onada borayotgan jamoaga qarshi nazorat bahsida Zafar Polvonov tomonidan birinchi taymda urilgan gol yagona bo‘ldi.
AGMK Dubay yig‘ini doirasida 4 ta sinov-nazorat o‘yinida maydonga tushadi. So‘ngra jamoa yurtimizga qaytib, o‘z uyida OCHL saralash o‘yiniga hozirlikni davom ettiradi.
Ta’kidlab o‘tish joizki, OCHL-2019 saralashi ikkinchi o‘tish bosqichi doirasida AGMK 12 fevral kuni Tojikistonning “Istiqlol” klubiga qarshi bahs olib boradi. O‘yin Olmaliqda bo‘lib o‘tadi.
