Қримда шуғулланаётган «Навбаҳор» таркибига собиқ «Зенит» футболчиси Иван Соловьёв келиб қўшилганди. Бош мураббий Андрей Канчельскиснинг айтишича, 25 ёшли хавбек билан тез орада шартнома тузилади.

- Иван Соловьёв «Навбаҳор»да шуғулланяпти. Яқин кунларда барчаси ижобий якунланади. Иван дастлабки назорат учрашувимизда бир бўлим ҳаракат қилди. Таассуротлар яхши. У билан шартнома тузиш қолди. Нега уни «Навбаҳор»га таклиф қилдим? У креатив ярим ҳимоячи. Соловьев иккала қанотда ҳам бир хил ўйнай олади. Бизнинг сафимизга қўшилганидан хурсандмиз, - дейди Андрей Канчельскис.

Олган сўнгги маълумотларимизга кўра, Иван Соловьевдан ташқари, Мирзоҳид Маматхонов, Ўткир Юсупов, Обид Жўрабоев, Ғиёс Комилов, Зафар Тўраев ва Баҳодир Насимовларнинг ҳам жамоада қолиши ҳал этилган.