Ўзбекистон чемпиони "Локомотив" янги 2019 йилги мавсум учун тайёргарликнинг навбатдаги босқичини ўтказиш учун Туркияга жўнаб кетди.

30 январь-13 февраль кунлари Анталияда ўтадиган йиғинларда "Локомотив" футболчилари 4та синов-назорат ўйинларини ўтказади.

Клуб матбуот хизматининг маълум қилишича, дастлаб, 4 февраль куни Мокванинг "Динамо"си “темирйўлчилар” рақиби бўлади. "Локомотив" 6 февралда Қозоғистоннинг 5 карра чемпиони "Астана" клуби билан куч синашади. 9 февралда эса Украинанинг "Заря" жамоаси "Локо" билан баҳс олиб боради. "Темирйўлчилар" 12 февралда Словениянинг "Олимпик" клуби билан баҳс олиб боради.