Англия чемпионатининг 24-турида «Челси» сафардан «Борнмут»га йирик ҳисобда имкониятни бой берди. Маълумотларга қараганда, учрашувдан кейин лондонликлар бош мураббийи Маурицио Сарри ўйинчиларни кийиниш хонасига "қамади".
У ўз ёрдамчиларини ичкарига киритмаган ва футболчилар билан юзма-юз ҳолатда 45 дақиқа давомида суҳбатлашган. Кийиниш хонасидан чиққан мутахассисга журналист ўйин натижаси ҳақида савол берган. Мураббий эса: «Билмадим муаммо кимда — мендами ёки футболчиларда», дея жавоб берган.