Англиянинг “Манчестер Сити” клуби “Хайдук” клуби яримҳимоячиси Анте Палаверсани сотиб олди.
18 ёшли иқтидор тиббий кўрикдан муваффақиятли ўтиб, “шаҳарликлар” билан шартнома имзолади. Унинг трансфер қиймати 8 миллион еврога тенг бўлди.
Маълумот учун, Палаверса 2020 йилгача “Хайдук”да қолади. Агар зарурат туғилса, “Сити” уни чақириб олиш ҳуқуқига эга бўлади.
Эслатиб ўтамиз, жорий мавсумда футболчи 17 та ўйинда майдонга тушиб, 2 та гол уришга эришган.