“Манчестер Юнайтед” клуби бош мураббийи Оле-Гуннер Сульшер “Лестер”га қарши кечган ўйиндан сўнг фикр билдирди.

“Лестер” бир қатор хавфли вазиятларни яратди, лекин Де Хеа дарвозамизни голдан сақлаб қолди. Биз ҳимояда бундан ҳам яхшироқ ўйин кўрсатишимиз мумкин эди. Нима бўлган тақдирда ҳам биз 3 очкони қўлга киритдик.

Де Хеа ўйинни яхши ўқий олади. Погбанинг узатмаси фантастик даражада амалга оширилди. Решфорднинг тўпни ўзига тўғрилаб олиши ундан ҳам ажойиб кўриниш олди. Футболда хато қилмаслик мумкин эмас.

Футбол шуниси билан ҳам қизиқ. Шогирдларим хато қилишганда тўпни қайтариб олиш учун охиригача кураш олиб борди”, -дейди Сульшер.