Хабарингиз бор, Суперлиганинг амалдаги чемпиони – “Локомотив” 30 январь-13 февраль кунлари оралиғида Туркиянинг Анталия шаҳрида йиғин ўтказмоқда. 

“Локомотив” футболчилари 4та синов-назорат ўйинларида майдонга тушиши кўзда тутилган бўлиб, бугун илк назорат баҳси Москванинг “Динамо”сига қарши бўлиб ўтди. 

Ушбу ўйин 1:1 ҳисобида якунланди. Рус клуби сафида Евгений Марков гол урган бўлса, “темирйўлчилар” сафида Авазбек Ўлмасалиев рақиб дарвозасини ишғол этди.

Таъкидлаш жоиз, “Локомотив” 6 февралда Қозоғистоннинг 5 карра чемпиони “Астана” клуби билан куч синашади.