Хабарингиз бор, эртага тунда – 6-февралдан 7-февралга ўтар кечаси «Барселона» – «Реал Мадрид» ўйини бўлиб ўтади. Бу куни бутун футбол оламининг нигоҳи Каталония шаҳрига қаратилса, ажаб эмас!

Бу мавсум статистикаси

«Барселона» қаторасига тўрт йилдан бери Испания кубоги ғолиби бўлиб келмоқда. Агар бу йилги турнирда ҳам чемпион бўла олса, бу ғолиблик «Барса» томонидан ўрнатилган яна бир рекордлар қаторига қўшилади. Эслатиб ўтамиз, Испанияда ҳали ҳеч қайси клуб қаторасига беш маротаба кубок баҳсларида ғолиб чиқмаган.

Клублар Испания кубоги доирасида 35 маротаба тўқнаш келишган. Уларнинг 15 тасида «Барселона» ғалаба қозонган бўлса, 12 та учрашувда эса «Реал Мадрид» устун келган. Қолган 7 та учрашувда томонлар муроса кўчасини танлашган. «Қироллик» клуби ярим финал остонасида «Жирона» жамоасини ортиқча қийинчиликсиз (уйда 4 : 2, меҳмонда 1 : 3) мағлубиятга учратган. «Барса» «Севилия»га меҳмонда кечган ўйинда минимал ҳисобда мағлубиятга учраган бўлсада, жавоб учрашувида ким аслида ким эканлигини кўрсатиб қўйди (6 : 1) ва йирик ҳисобда ғалаба қозонди.

Чемпионатда «Барселона» 50 очко билан 1-поғонада бормоқда. «Реал Мадрид» эса 42 очко билан 3-ўринда. Ла Лига доирасида ўтказилган 22 тур мобайнида Валверди шогирдлари рақиблар дарвозасини 60 маротаба ишғол қилишди. Ўз дарвозаларидан23 бор тўп олиб чиқишга тўгри келди. Умумий ҳисобда эса + 37. «Қаймоқранглилар»да бу кўрсаткич + 11 га тенг.

Бу мавсум Ла Лига да Месси тўпурарлар пойгасида яққол пешқадам. Унинг ҳисобида 21 та гол мавжуд. «Реал Мадрид» жамоаси шарафини ҳимоя қилаётган Карим Бензема ҳисобида эса 10 та гол мавжуд. Кубок баҳсларида эса аксинча, статистик натижа. Карим Бензема бу мавсум кубок баҳсларида 4 бор дарвозани ишғол қилган бўлса, Винициус Жуниор ҳисобида 6 та голли узатма мавжуд. Месси ҳисобида Испания кубоги (ёки Қирол кубоги) доирасида 2 та гол мавжуд. Ракитич эса 4 бор голли узатмани амалга оширган