Янги мавсум ҳозирликлари доирасида илк йиғинни Тошкентда 18-30 январь кунлари ўтказкан “Бухоро” жамоаси аъзоларига 3 кун дам берилган эди.
Навбатдаги йиғин эса 3 февралдан бошлаб Тошкентда давом эттирилмоқда. Бухороликлар бу сафар 15 февралга қадар пойтахтда машғулотлар олиб боришади.
Куни кеча жамоа футболчилари Республика илмий-амалий спорт тиббиёт марказида тиббий кўрикдан ўтишди. Жамоа сафига охирги мавсумларни “Пахтакор” жамоасида ўтказган ярим ҳимоячи Достон Иброҳимов келиб кўшилди, шунингдек клуб матбуот хизматининг маълум қилишича, жамоа сафига бир неча лигионерлар ҳам қўшилиши кутилмоқда.
Йиғин давомида бир неча назорат ўйинлари ўтказиш режалаштирилган. Жумладан, бугун “Андижон”, 9 февраль куни “Бунёдкор” ва 12 февраль куни “Динамо”га қарши майдонга тушилади.
