Бугун Европа Лигаси мусобақасининг 1/16 финалидан ўрин олган учрашувлар бўлиб ўтади.

Лондоннинг «Арсенал» клуби Белорусга сафар қилади ва у эрда БАТЭ билан куч синашади. «Интер» эса «Рапид» меҳмони бўлади. Россиянинг «Краснодар» жамоаси ўз майдонида «Байер» билан куч синашади.

«Бетис» сафарда «Ренн» билан тўқнаш келса, Киевнинг «Динамо»си «Олимпиакос» меҳмони бўлади. Куннинг марказий ўйин Римда кечади, унда «Лацио» клуби «Севилья»ни қабул қилади.

Сўнгги пайтлар омади юришмаётган «Челси» сафарда «Мальмё» тўсиғидан ўтишга уриниб кўради. «Селтик» ва «Валенсия» жамоалари ўртасидаги ўйин ҳам қизиқарли ўтиши кутилмоқда.

«Наполи» Швейцарияга сафар қилади ва «Цюрих»ни имтихондан ўтказади. «Шахтёр» ўзида Франкфуртнинг «Айнтрахт» клубини қабул қилади.