2019 йилги мавсумга тайёргарлик кўраётган Бекободнинг “Металлург” жамоаси ёшлари қўшни Тожикистон Республикасида бўлиб, назорат учрашувлари ўтказаётганлиги ҳақида хабар бергандик.
Кеча Артём Петросян шогирдлари иккинчи ўйинни Тожикистон Республикаси биринчилигининг ўтган йилги ғолиби сифатида олий лигага йўлланамани қўлга киритган “Истаравшан” жамоасига қарши ўтказиб, дуранг ўйнади. Қайроққум шаҳридаги “Миллий банк” стадионида бўлиб ўтган ўйин голларга бой бўлди. Қизиқарли ва муросасиз курашлар остида ўтган учрашувда томонлар икки мартадан муваффақият қозонишди – 2:2. “Металлург” жамоасидан голларни Шаҳзод Ғофурбеков ҳамда Абдулло Ғайбуллаевлар киритишди.
Мазкур учрашувни бекободликлар қуйидаги таркибда майдонга чиқишди: Азиз Маҳмудов, Ҳасан Ҳасанов, Фаррух Содиқов, Жасур Раҳимов, Ҳусан Ҳасанов, Даврон Анваров, Иброҳим Турғунбоев, Арам Маркарян, Шаҳзод Ғофурбеков, Ҳазрат Турсунқулов, Азамат Абдусатторов.
Заҳирадан майдонга тушганлар: Муҳриддин Ботиров, Жасур Рустамов, Абдулло Ғайбуллаев, Фарҳод Ўткиров.
