Италиянинг “Интер” клуби ҳужумчиси Мауро Икарди ўзидан сардорлик боғичи олиб қўйилгач, Instagram`даги саҳифасида америкалик ёзувчи Марк Твендан иқтибос келтирилган пост қолдирди.
“Жим туриш ва аҳмоқ бўлиб кўриниш гапириш ва буни тасдиқлашдан кўра яхшироқ. Марк Твен”. Деб ёзади футболчи.
Маълумот учун, 13 февраль куни “Интер”да сардорлик боғичи Икардидан дарвозабон Самир Хандановичга ўтгани маълум бўлганди.
Шундан сўнг, Мауро жамоа билан Европа лигаси доирасидаги “Рапид”га қарши сафар ўйинига боришдан бош тортди. Кейинроқ ОАВда бунинг учун клуб уни жаримага тортмаслиги хабар қилинди.
