Хабарингиз бор, камондан отиш бўйича Ўзбекистон терма жамоаси айни кунларда туркиялик мутахассис Владимир Леквиашвили қўлостида нуфузли халқаро мусобақалар, хусусан, 2020 йил Токиода бўлиб ўтадиган Олимпия ўйинларига пухта ҳозирлик кўрмоқда.
Ушбу жараёнда Республика миқёсидаги мусобақалар давомида иқтидорли ёш спортчиларни саралаб, терма жамоага жалб этиш жудамуҳим. Бу борада бугун Фарғона вилояти Қўқон шаҳрида бошланган ёшлар ва катталар ўртасидаги қишки Ўзбекистон чемпионати ўзига хос аҳамият касб этади. Мазкур мусобақада Фарғона, Самарқанд, Бухоро, Жиззах, Наманган, Сурхондарё ва Тошкент вилоятлари ҳамда Тошкент шаҳридан жами 75 нафар спортчи иштирок этмоқда.
Баҳслар 20 февралга қадар давом этади. Натижалар ҳақида хабар бериб борамиз.
