“Реал” президенти  Флорентино Перес кеча бош мураббий Сантьяго Солари билан учрашди деб хабар беради  El Chiringuito.

Ушбу учрашув Мадриддаги ресторанлардан бирида ўтди ва икки соат давом этди ( 21:00 бошланиб 23:10 да тугади).

Перес билан биргаликда мазкур учрашувга икки нафар директорлар – Хосе Анхель Санчес ва Рамон Мартинес келишди.

Кечки овқат қулай муҳитда ўтказилди ва жараёнда “Реал”даги вазият хусусан, Марсело, Иско ёки Винисиус атрофида бўлаётган воқеалар муҳокама қилинди. Солари ўзининг келажаги жамоанинг натижаларига боғлиқ эканлигини айтиб ўтган.

Эслатиб ўтамиз, якшанба куни “Реал”“Жирона”га мағлуб бўлди.