"Реал"нинг собиқ устози Карло Анчелотти "қироллик клуби" президенти Флорентино Перес билан юзага келган можаро ҳақида тўхталди.
"Баъзи футболчиларга тушунмайман. Майдонда эгоистлик қилиш мумкинми? Шундай вазиятлар бўладики, футболчи жамоадошига тўп узатиши керак бўлган пайтда буни амалга оширмайди. Перес билан можаро юзага келишига Бэйл сабабчи бўлган. "Валенсия" билан ўйинда у Бенземага тўп узатиши керак эди, шунда Бензема очиқ дарвозага гол урарди. Аммо у бундай қилмади ва вазият кўкка совурилди. Мен эса бундан норози бўлиб Бэйлни захирага олдим. Натижада Перес билан ўртамизда девор юзага келди", деди Анчелотти.
