«Манчестер Сити» Англия лига кубоги финалида «Челси»ни пенальтилар сериясида мағлуб этди.

Пеп Гвардиола учун мазкур муваффақият «шаҳарликлар» бошқарувидаги тўртинчи соврин бўлди. 48 ёшли мутахассис мураббийлик фаолияти давомида ўзининг 25-совринига эга чиқди. У совринларининг 14тасини «Барселона» билан, 7тасини эса «Бавария» билан қўлга киритган.

Бу борада Гвардиола «МЮ» собиқ бош мураббийи Жозе Моуриньо билан тенглашиб олди. Португалиялик мутахассис ҳисобида ҳам 25та соврин бор.

Европанинг топ-5 чемпионатларида фаолият олиб бораётган мураббийлар ўртасида 3-ўринда Карло Анчелотти бормоқда (20та соврин).