Ўзбекистон U-18 терма жамоаси "Чиғатой" спорт мажмуасида йиғинга киришгани ҳақида хабар бериб ўтгандик. Йиғин икки босқичда ўтказилиб, унда 50 нафар футболчи қатнашиши режалаштирилган.
Йиғиннинг биринчи қисмида 25 нафар футболчи синовдан ўтказилди. Шу билан бирга бир қатор назорат учрашувлари ҳам ташкил этилди. Жумладан, Отабек Ғуломхўжаев шогирдлари "Бунёдкор" ёшларини 2:0 ҳисобида, "Локомотив" ёшларини эса 4:2 ҳисобида мағлубиятга учратишди.
Эндиликда Ўзбекистон U-18 терма жамоаси йиғинининг иккинчи қисми бошланди. Бу йиғинга ҳам яна 25 нафар футболчи таклиф этилган.
Отабек Ғуломхўжаев мазкур йиғин давомида терма жамоанинг асосини шакллантириш билан бирга, янги футболчиларни ҳам синовдан ўтказиб олмоқда.
