Жанубий Америка футбол конфедерацияси 2020 йилда икки қитъанинг энг яхши терма жамоалари ўртасида Континентал кубок учрашуви ўтказиш борасида АҚШ берган таклифни рад этди.
Аввалроқ АҚШ футбол федерацияси (USSF) 2016 йилда Америка Кубогига ўхшаш мусобақа таклифи билан чиққан ва унда Жанубий Американинг 10 ва Шимолий Американинг 6 та терма жамоаси иштирок этган эди. Мусобақа Америка Кубогининг 100 йиллик юбилейига бағишланган эди.
КОНМЕБОЛ раҳбари Алехандро Домингес USSF президенти Карлоса Кордейрага мактуб битиб, бу таклифни рад этди. Бу қарорга ФИФАнинг рухсати йўқлиги ва Америка Кубоги-2020 тақвими тўсқинлик қилмоқда. Домингеснинг сўзларига кўра, бу таклифдан бутун ташкилот ажабланган.
