«Реал» бош мураббийи Сантьяго Солари «Барселона»га қарши бўлиб ўтган ўйин (0:1) борасида ўз фикрлари билан ўртоқлашди.

— Биз ўйин давомида турли услубларни қўллаб кўрдик, таслим бўлмадик. Бу ҳар иккала жамоа учун оғир ва жиддий ўйин бўлди. Бундай ўйинсиз ғалабага эришиш қийин.

Қўлимиздан келган барча иш қилдик, ҳужумкор ўйин намойиш қилдик. Бизга фақат гол етишмади. Рақиб дарвозаси томон 20та зарба бердик.

— Голлар ура олмаётганингиз учун хафсалангиз пир бўлдими?
— Ишлашда давом этишимиз кераклигини, баъзи жиҳатлар бўйича ўйинимизни яхшилашимиз лозимлигини ҳис қиляпман.

— «Реал»да соврин қўлга киритиш учун битта имконият қолдими? Бу — Европа чемпионлар лигаси.
— Нима учун битта?

— Ҳа, математик жиҳатдан Ла лигада ҳали имконият бор...
— Шубҳасиз, 12 очко — катта фарқ, лекин биз таслим бўлмаймиз. Боиси, охиригача курашишиз керак.

— Бэйл ишончингизни оқламадими?
— Мен бундай фикрларни истамасдим. Барча футболчилар ҳаракат қилишди. Лекин «Барселона» гол урди, биз эса йўқ. Ўйиндаги фарқ шунда.

— Мухлислар Бэйлга ҳуштакбозлик қилиб, Искони қўллаб-қувватлашди.
— Гарет клуб учун кўп ишлар қилди ва барча каби ҳурматга лойиқ.