«Барселона» бош мураббийи Эрнесто Вальверде Испания Ла лигасининг 26-тури доирасида бўлиб ўтган «Реал»га қарши бўлиб ўтган ўйин (1:0) борасида ўз фикрларини билдириб ўтди.

— Икки йилдан бери чемпионатда рақиблардан катта фарқ билан олдинга ўтиб кетяпмиз. Вақти келиб буни қадрига етишади. Лекин олдимизда ҳали олис йўл турибди.

— «Реал» «ўлик»ми?
— Улар кўп ўйинларда ғалаба қозонишлари мумкин. Шунингдек, «Атлетико» ҳам бор. Агар бу жамоаларни ҳисобдан чиқариб юборсак, ютқазишни бошлашимиз мумкин.

90 дақиқа давом этган жангдан кейин, балки биз қандай натижага эришганимизни яхши англай олмаётган бўлишимиз мумкин. Аммо мухлисларимиз хурсанд.

Уч кун аввалги ўйинда ўйинни назорат қилишга ҳаракат қилгандик, аммо ўшанда ўйинимиз у қадар юқори даражада бўлмагандик. Бугун эса яхшироқ ўйнадик.

Агар иккинчи голни уриб олганимизда, ўйин сўнгидаги босимни йўққа чиқарган бўлардик. Лекин биз рақибга имкон қолдирдик. Пике тўпни эгаллаб, дарвозамиз томон юра бошлаганида... Жуда хавотир олдик.

— Месси ҳақида нима дея оласиз?
— Унинг ҳолати яхши. У барча футболчилар каби қаттиқ ҳаракат қилдик. Месси — ўзга сайёралик. Ҳар сафар у тўп билан ҳаракатлана бошлаганида, қандайдир хавфли вазият юзага келади.

— Ракитич ҳақида фикрингиз қандай?
— Иван ўйин бошидан — охиригача, мавсум бошидан — охиригача барқарор ўйин намойиш қилади. У жуда қадрли футболчи.

— Мухлислар олдида рейтингингиз ошдими?
— Билмадим. Мен фақат жамоам яхши ўйнаши ва ғалаба қозониши ҳақида бош қотираман.