"Рома" бош мураббийи Эусебио Ди Франческога истеъфо хавф солмоқда, дея хабар беради журналист Жанлуки Ди Марцио.
Манбага кўра, агар "Рома" чемпионлар лигасининг чорак финалига йўл ололмаса Ди Франческо истеъфога чиқарилади.
Эслатиб ўтамиз, 1/8 финалнинг биринчи ўйинида "Рома" ўз уйида "Порту"ни 2:1 ҳисобида мағлуб этган эди. Жавоб ўйини 6 март куни Португалияда бўлади.
"Рома" А серияда 44 очко билан 5-ўринда бормоқда. Римликлар 4-ўриндаги "Интер"дан уч очко ортда бормоқдалар. Бундан ташқари "Фиорентина"га 1:7 ҳисобида мағлуб бўлиб Италия кубоги чорак финалидан чиқиб кетди.
49 ёшли Ди Францеско 2017 йилдан "Рома"ни бошқариб келмоқда. Ўтган йили ЕЧЛ яримфиналига етиб борган ва "Ливерпуль"га мағлуб бўлган эди (2:5 ва 4:2).
