Аргентина футбол федерацияси ҳужумчи Лионель Мессининг Марокаш терма жамоасига қарши ўртоқлик ўйинида майдонга тушиши учун бажарилиши керак бўлган бир неча шартларни илгари сурди.
Хусусан, Марокаш терма жамоаси футболчилари Мессига қарши умуман қўпол ўйнамаслиги, у билан селфи тушишга интилмаслиги ва ўйиндан кейин футболка алмашишни талаб қилмаслиги лозим, деб хабар беради North Africa Post.
Эслатиб ўтамиз, Месси Аргентина терма жамоасидаги фаолиятини ЖЧ-2018 мусобақасидан кейин тўхтатган эди. Унинг март ойи охирида ўтказиладиган Венесуэлага қарши ўртоқлик ўйинида яна терма жамоага қайтиши кутилмоқда.
