"Реал" сардори Серхио Рамос Европа чемпионлар лигасининг 1/8 финал босқичи доирасида "Аякс"га қарши бўлиб ўтган жавоб ўйинини трибунадан туриб кузатишга мажбур бўлди. Боиси, у дастлабки ўйинда атайлаб мусобақадаги учинчи сариқ карточкани олиб, дисквалификацияга учради.
Фурсатдан фойдаланиб, футболчи ўзи ҳақида ишланаётган ҳужжатли фильмнинг бир қисмини суратга олишга рухсат берди. Унинг VIP-трибунадаги ҳолатини ўйин давомида 3та камера суратга олди.
Аммо учрашув давомида Рамоснинг кайфияти бузилди. Боиси, «Реал» ўз майдонида "Аякс"га 1:4 ҳисобида имкониятни бой бериб, мусобақани тарк этди.
