“Реал” ярим ҳимоячиси Лукас Васкес “Аякс”га қарши ўйиндан сўнг фикрларини билдириб ўтди.

“Охирги учта ўйинни жуда ёмон тарзда ўтказдик. Бу “Реал эмас. Тан оламан “Аякс”га ҳар тарафлама мағлуб бўлдик. Улар чорак финалга чиқишга ҳақли.

Чемпионлар лигасини уч маротаба ютдик энди бу мағлубиятни ҳам қабул қилишимиз лозим. Жорий мавсум биз кутгандек бўлмади. Ҳозир аниқ айта оламан “Реал”нинг цикли тугади.

Ҳа биз ўз майдонимизда кўп мағлуб бўлмоқдамиз лекин бизда голли вазиятлар жуда кўп бўлди. Ўйинимизга нима бўлаётганини тушунтириш қийин аммо, биз мавсумни яхши натижа билан тугатишга ҳаракат қилишимиз керак”, - дейди Васкес.