Бир неча кун аввал Профессионал футбол лигаси Суперлигада иштирок этувчи футбол клубларини аёллар жамоаси учун тўланадиган бадал пулларидан озод қилганди.
Энди эса “Нефтчи” ва “Шўртан” аёллар жамоалари ҳам аёллар учун бадал пули тўламайдиган бўлди.
Чунки аёллар ўртасидаги чемпионатда “Нефтчи” 11-ўринни қўлга киритган, “Шўртан” эса 4-поғона билан мавсумни якунлаган. Яъни, улар лигада ўз ўринларини сақлаб қолишга эришган. Бироқ бу клубларнинг эркаклар жамоалари фаолиятини “А” Про-лигасида давом эттиради. Шунга қарамай, "Шўртан" ва "Нефтчи" ҳам аёллар жамоасининг бадал пулларидан озод қилинди.
