Суперлига 1-тури доирасидан ўрин олган “Қизилқум” – “Андижон” баҳси 1:1 ҳисобида якунланди.

Учрашувдан сўнг мезбонлар бош мураббийи Ҳамиджон Актамов фикрларини билдириб ўтди.

“Бугунги байрам билан барчани муборакбод этаман. Бугун имкон қадар ишқибозларимизни хурсанд этиш учун ҳаракат қилдик.

Ўйин сўнггида бизга бироз омад етишмади. Мавсумдаги дастлабки ўйин, йигитлар шундай бўлса ҳам ёмон ўйнашмади.

Кўплаб вазиятлар яратдик, улардан фойдалана олмадик. Рақиб эса битта хатодан гол уриб кетди. Мавсум энди бошланмоқда. Ҳали ишқибозларимизни чиройли ғалабалар билан хушнуд этамиз, албатта”, - дейди мутахассис.