Coca Cola Суперлига 1-тур учрашувлари доирасида “Динамо” – “Насаф” учрашувидан сўнг мезбонлар устози Даврон Файзиев қуйидагича фикр билдириб ўтди:
- Барчани янги мавсум старти билан табриклайман. Икки ён қўшни вилоят жамоалари ўртасидаги ўйин чин маънода дербиларга хос тарзда ўтди. Тан олиш лозим, “Насаф” айни пайтда ўйин давомида хавфли вазиятлар яратиш бўйича “Пахтакор” билан тенглашиб турибди.
Шу сабабдан ўйин яккакурашларга бой тарзда кечди. Асосийси муҳим 1 очко қўлга киритилди. Бунда 12-ўйинчимизга айланиб, бизни қўллаб-қувватлаб турган мухлисларимизни ҳам хиссаси катта. Биз мавсум давомида уларни хурсанд қилиб боришга интиламиз, - деди мутахассис.
