Coca Cola Суперлига 1-тур учрашувлари доирасидаги “Динамо” – “Насаф” учрашувидан сўнг меҳмонлар устози Рўзиқул Бердиев қуйидагича фикр билдириб ўтди.

- Ҳисобда олдинда бора туриб, якунда дуранг ўйнаш жамоамизга хос эмас. Шу сабаб қайд этилган натижа бизни бироз ранжитди. “Динамо” жамоаси сафида иккинчи қаватда яхши ўйнайдиган футболчилар кўп эканини билар эдик.

Лекин ҳимоячиларимиз барибир бироз бепарво бўлишди ва гол ўтказиб юбордик. Ўйин сўнггига қадар яна гол киритишга уриндик, бироқ якуний нуқтани қўйишни уддалай олмадик. “Динамо” жамоаси анча кучли иштиёқ билан тўп сурди.

Улар ҳисобга мос ўйин намойиш этишди, ҳақли равишда очко қўлга киритишди, - деди мутахассис.