Машҳур футбол мутахассиси Алишер Никимбаев Ўзбекистон профессионал футбол лигасининг Суперлига ўйинлари доирасида бўлиб ўтган “Динамо” ҳамда “Насаф” жамоаларининг баҳсида дарвозабон Ботирали Эргашевнинг аср намозини ўқигач майдонга тушганлиги юзасидан фикр билдирди.

”“Динамо” дарвозабони Ботир Эргашев намозни тугатмагунча майдонга чиқмаганлигидаги ғайратини тушунаман. Лекин PFL (Professional Football League) нима учун ибодат вақтида ўйинларни ташкил қилишини тушунмайман. Араб мамлакатларида ўйинлар қуёш ботишидан сўнг яъни шом намози вақтидан сўнг бошланади ёки шом вақти танаффусга тўғри келишини мўлжаллашади. Бу ерда ўйинлар аср намози вақтига тўғри келганлиги ҳақида ҳатто эшитмаганлар”, дейди у.