Олимлар томонидан ўтказилган экспериментнинг натижалари билан танишинг!
Букмейкерлик идоралари олдида очилган, анан пеналтилар билан шуғулланувчи Инстат компанияси олимлари 2009-йилдан то ҳозирги кунга қадар бўлган пеналтиларни тўлиқ ўрганиб чиқишди ва ўз хулосаларини оммага етказишди. 10 йил давомида футбол оламида 91 минг бор 11 метрлик нуқтадан зарб йўллашган. Зарбаларнинг 75,49 фоизи гол билан якунланган. 17,57 фоизини дарвозабон қайтарган бўлса, 4,07 фоизи дарвоза устунларининг ёнидан ўтиб кетган, атиги 2,87 фоизи эса дарвоза устунларига бориб теккан.
Пеналтини ким тепиши керак?
Ёши: 30
Ампла : Ҳужумчи ёки ҳужумкор ярим ҳимоячи
Қайси оёқда зарба йўллайди: Чап
Жамоада тутган ўрни: Доимий пеналти тепувчи
Пеналтини аниқ амалга оширувчиларнинг ўртача ёши 32-33 ёшни ташкил этади. Улардан сўнг 33-34 ёшдаги футболчилар ҳам бехато амалга оширувчилар рўйхатидан жой олишди. Пеналтида энг кўп хатони 18-19 ёшлик футболчилар амалга оширган экан.
Қизиғи шундаки, терма жамоалар ўйинларида вазият ўзгаради. Халқаро учрашувларда эса энг яхши пеналтини 26-27 ёшдаги футболчилар амалга оширишар экан. Терма жамаолар сафида энг бехато пеналтини амалга оширувчи амплуа эгалари, яъни марказий таянч ярим ҳимоячилари пешқадамлик қилишмоқда. Улар ўзлари амалга оширган пеналтиларнинг 79 фоиз аниқ ижоро этишади. Энг ёмон ижрочилар эса, асосан қанот ҳужумчилари экан. Уларнинг кўрсаткичлари 70 фоиздан ҳам паст.
10 йил давомида йўлланган пеналтиларнинг 91 мингидан 73 мингини ўнг оёқда бажаришган. Қолган қисмини эса чап оёқда. Балки шу сабаб, чап оёқдаги зарбаларнинг 85 фоизи голга айланар экан.
Сўнгги ўн йилликда пеналтиларни аниқ амалга ошириш бўйича етакчи чемпионат Япониянинг Ж1 лигаси дея кўрсатилган. Ушбу чемпионатда пеналтиларнинг 80,99 фоизи гол билан якунлангани сабабли, ушбу чемпионат 10 йилдан бери айнан шу кўрсатгич борасида пешқадамлик қилиб келмоқда.
Инстат компанияси қайси бурж остида туғилган футболчилар пеналтини аниқ амалга оширишларини ҳисоблаб чиқишди. Унга кўра Арслон буржида туғилган инсонлари пеналти учун лаёқатли инсонлар сирасига киришар экан. Ушбу буржнинг яққол мисоли Роберт Левандовский. У ўз кариераси давомида 49 бор зарба йўллаб, бор гол ура олмаган экан. У 31 бор кетма-кет аниқ зарба йўллаб, Европа рекордини ҳам янгилашга улгурган футболчилар сирасига киради.
Пеналтини қаерга тепиш керак?
Чап бурчак ?
Ўнг бурчак ?
Марказга ?
Энг қизиғи шундаки, ушбу нуқталардан энг кўп марказга зарба йўллаган футболчилар адашишар экан. Уларнинг йўллаган зарбаларининг 21,28 фоизи салбий натижа билан якунланар, ўнг бурчакка берилган зарбаларнинг 5,6 фоизи бесамар кетса, чап бурчакдаги зарбаларнинг атиги 0,97 фоизинигина дарвозабонлар қайтаришни уддасидан чиқишар экан. Кўриниб турибдики, чап оёқда, чап бурчакка йўлланган зарба кўпинча гол билан якунланар экан.
Дарвозабонлар учун олиб чиқишнинг иложи йўқ пенатилар қайси нуқтага йўлланади?
Чап бурчакнинг пастки қисми 82,95 фоиз
Ўнг бурчакнинг пастки қисм 83,35 фоиз
Чап бурчакнинг 9 лиги 84,53 фоиз
Замонавий футболда Ҳарий Кейн ва Роналду зарбалариннг 86 фоизини айнан чап бурчакнинг 9 лигига йўллашган ва балки шу сабаб пеналтиларда ҳаммадан кам хато қилишган бўлса, ажаб эмас
