Суперлига 1-тур якунларига кўра, ўтказилган 6 та учрашувда стадионларда қанча томошабин кирганлиги борасида ПФЛ расмий қайдномалари эълон қилинди.

Унга кўра, Суперлига 1-турида энг кўп мухлис Самарқанддаги учрашувда йиғилди. Яна элитага қайтган “Динамо” – “Насаф” учрашувида стадион мухлислар билан лиқ тўлди. ПФЛ қайдномасида кўрсатилганидек ўйингоҳга 13 298 томошабин ташриф буюрган. Бу Суперлига 1-туридаги энг кўп мухлис йиғилган ўйиндир.

Шунингдек, Навоий, Термиз, Жиззахдаги ўйинларда ҳам 7 мингдан ортиқ томошабин йиғилган. Тошкентда ўтган “Навбаҳор” – “Қўқон-1912” ва Олмалиқдаги АГМК – “Бухоро” учрашувларида эса 3 мингдан ортиқ томошабинлар тўпланган. Жами 6 та ўйинда 43 139 томошабин йиғилган. Бу ўртача ҳар учрашувда 7 189 томошабин деганидир.

Турнинг сўнгги ўйини “Пахтакор” – “Локомотив” учрашуви 16 март кунига кўчирилган.

Суперлига. 1-ТУРДА ЭНГ КЎП МУХЛИС ҚАЕРДА?

1. Самарқанд. Динамо – Насаф (1:1). 13298 томошабин.

2. Навоий. Қизилқум – Андижон (1:1). 7853 томошабин.

3. Термиз. Сурхон – Металлург (1:1). 7815 томошабин.

4. Жиззах. Сўғдиёна – Бунёдкор (2:1). 7780 томошабин.

5. Тошкент. Навбаҳор – Қўқон-1912 (1:1). 3280 томошабин.

6. Олмалиқ. АГМК – Бухоро (0:0). 3113 томошабин.