"Ливерпуль" ҳимоячиси Виржил ван Дейк ЕЧЛ 1/8 финали доирасида "Бавария"га қарши кечадиган жавоб ўйини ҳақида гапирди. Ван Дейк биринчи ўйинни дисквалификация туфайли ўтказиб юборганди.

"Бизни даҳшатли ўйин кутяпти. "Бавария"да ажойиб таркиб бор. Масалан, Левандовски, у кичик имкониятни ҳам голга айлантира олади.

"Бавария"да бошқа хавфли футболчилар ҳам кўп. Улардан бири Арьен Роббен. У ўз ишини профессионал даражада бажаради. 

Унинг чап оёғи — ҳақиқий қотиллик қуроли. Шунчаки эсланг, у чап қанотга югуриб боради ва тўпни дарвозанинг узоқ ўнг бурчагига йўллайди. Агар Арьен майдонда бўлса, сиз айни шу ҳолатга тайёр туришингиз ва унинг олдини олишингиз керак", – деди ван Дейк.