Зайниддин Зидан "Реал"да йилига 16 миллион евро миқдорида маош олади. Бу ҳақда La Gazzetta dello Sport журналисти Николо Шир ўз твиттерида маълум қилди.
Маълумот ўрнида, 46 ёшли француз мутахассиси клуб билан 2022 йил июнига қадар шартнома имзолаган.
Зидан "Реал"ни 2016 йил январидан 2018 йил ёзига қадар бошқарган ва жамоа билан қаторасига уч марта Чемпионлар лигасида зафар қучганди. "Реал" айни дамда Испания чемпионатида пешқадам "Барселона"дан 12 очко ортда қолиб, учинчи ўринда бормоқда, шунингдек, клуб барча кубоклардаги иштирокини эрта тўхтатган.
