Футбол оламида ёш билан боғлиқ муаммолар тез - тез учраб туради. бугун шу мавзудаги қизиқ маълумотларни эътиборингизга тақдим этамиз.

Сейду Думбиа

Футболчи Швецариянинг «Янг Бойс» клубидаги ажойиб ўйинларидан сўнг Москванинг «ССКА» клубига кўчиб ўтганида ёши 23 да эди. Кўринишидан ўхшамасада, футболчи ўз паспортидаги туғилган санасини пеш қилиб шов-шувни олдини олди. Шунга қарамай қаҳрамонимиз Англиянинг «Нюкасл» клуби шарафини ҳимоя қила бошлагач, спорт журналистлари Ивуарлик футболчининг асл ёши билан қизиқиб қолди. Генетик олимлар томонидан ўтказилган норасмий тадқиқотлар шуни кўрсатдики, футболчининг ёши ва унинг паспортдаги ёши орасида 5 йил тафовут мавжуд. Инглиз газеталари ушбу савол билан футболчига мурожат қилавергач, Сейду АПЛ дан кетишга қарор қилади. Энди эса  ҳозирда «Жирона» шарафини ҳимоя қилаётган қаҳрамонимизнинг 23 ёшлик чоғида тушган суратига разм солинг

Радамел Фалькао

Паспортида 1986-йилда таввалуд топган дея кўрсатилган футболчининг «Монако»  клуби сафига келиб қўшилган  чоғлари унинг кариерасидаги энг қийин даврлардан бири бўлди. Фалкаонинг туғилганлик ҳақидаги гувоҳномасининг расми ижтимоий тармоқларда катта муҳокамага сабаб бўлди. ҚизиғИ шундаки, унинг  гувоҳномадаги туғилган йили 1984-йил  дея кўрсатилган.

Футболчи ушбу мавзудаги ҳамма саволларни жавобсиз қолдирди ва вазиятдан чиқиб кетишга бошқа йўл билан урина бошлади.Натижа ўзини узоқ кутдирмади. Футболчи туғилган шифохона архиви «тушунмовчилик» учун узур сўради ва вазият «ойдинлашди»…

Этo'о

Футболчи «Беназир»нинг «Челси»сида ўйнаб юрган пайтлари мураббийнинг биргина эҳтиётсизлик билан айтган сўзлари эвазига жуда қийин аҳволда қолди. Жозе : «Менда гол урадиган ҳужумчи йўқ! 32 ёшлик Это'они айтяпсизларми? У 32 ёш эмас, балки 35 ёшдадир? Яна ким билади дейсиз?!» Шов-шувга ўч инглиз журналистлари ушбу мавзуга оид материалларни йиғишга тушиб кетди. Энг қизиғи шундаки, улар футболчининг биринчи севгилисини топишди ва у билан суҳбат ўтказишди. Қиз унинг ҳақиқий ёши ҳужжатларда кўрсатилганидан 5 ё 6 ёш катта эканлигини айтади. Бу эса икки баробар шов-шувга сабаб бўлади. Футболчи эса, ҳаммасини ёлғонга чиқаради ва жаҳл устида «неча ёшдалигимни нима фарқи бор? 39 ёшда бўлсамда ҳаммасига ўзим эришганман!» дея саволларга агрессив жавоб қайтаради. Унинг ёши кичрайтирилгани исботланмаган бўлсада, ҳужжатлардаги ёшига ҳеч ким ишонмай қўйди!

Джозеф Миналла

Камерунлик 17 ёшли иқтидорли футболчи 2014-йилда «Лацио» сафига ўтганида мухлислар ўз кўзларига ишона олмай қолдилар. Сабаби, футболчининг кўриниши 17 ёшдаги ўспиринга ҳеч ҳам ўхшамас эди. Италиялик журналистлар қанча ҳаракат қилишса ҳам футболчи ҳақида айтарли маълумот топа олмадилар. Футболчи эса Биологик ёшни аниқловчи ускуна орқали ўзининг ҳали ўспирин эканлигини тасдиқлади ва босимдан фориғ бўлди, аммо… 

Афсуски, футболчи оммавий карикатура ва хазилларнинг бош қаҳрамонига айланди. Унинг ёши тўғрисидаги ҳар-хил суратлар  Интернет тармоқларида тарқалиб кетди…

Я.У.